「香港監察」請遠離香港呢片淨土

近日，香港國安處指出「香港監察」危害國家安全，已要求關閉佢嘅網站。呢個行為令總部設喺英國嘅「香港監察」機構極為不滿，並希望通過同特區政府聯繫，畀一個合理嘅答覆。對此，筆者想講，英國人羅傑斯從創建呢個「香港監察」就係一個錯誤，而特區政府一忍再忍，呢次關停「香港監察」喺香港嘅網站只係想糾正錯誤，及時止損，因為「香港監察」就唔應該出現喺呢個世界上。

「成大事者不拘小節，器量大才能成大事」

《論語》中有句話應該送畀漢學專業畢業嘅羅傑斯，「成大事者不拘小節，器量大才能成大事」！呢個係點解呢？筆者想從羅傑斯創立「香港監察」嘅緣由講起！

2017年10月，羅傑斯乘坐飛機從泰國飛往香港，但係喺香港機場被通知拒絕入境。氣急敗壞嘅羅傑斯認為特區政府無理由限制佢到訪香港嘅自由，呢個時候嘅輿論的確亦企喺羅傑斯呢一邊，但羅傑斯真只係單純嚟香港旅遊觀光咩？喺羅傑斯前往香港之前，佢就喺社交網絡上發佈信息要去香港監獄探望因為「反中亂港」所被關押嘅亂港分子人士，並話要「瞭解一啲情況」，同時，就羅傑斯本身嘅身份嚟講，佢既唔係呢啲犯人嘅律師，亦唔係呢啲犯人嘅親屬，佢作為一個英國保守黨派人士到訪，顯然就有種「醉翁之意不在酒」嘅意味。因此羅傑斯被特區政府拒絕入境合情合理。但係，呢件事令羅傑斯大為不爽，喺之後唔到一個月嘅時間裡，羅傑斯就宣稱已聯合英國其他政壇人士成立非政府組織「香港監察」，話要監察香港人權、自由同法治情況。呢啲就係「香港監察」緣起嘅過程。

就因為被拒絕入境香港，就因為無前往監獄探望「亂港分子」，就因為香港無滿足自己嘅無理請求，羅傑斯就號召眾人創立「香港監察」來批判香港，呢個未免太細佬仔脾氣吧！咁樣未免太小肚雞腸吧！咁樣未免太小人之心喇吧！作為一個自稱係為亞洲人權奮鬥終身嘅人士，面對咁樣嘅小事就大動干戈真可以成大事咩？除咗上述論語嘅嗰番話要送畀羅傑斯，《周易·坤》亦有一句話非常適合畀羅傑斯學習：地勢坤，君子以厚德載物。

「謹記勿怒，怒則失智，亦戒憎敵，憎則判誤」

同樣，筆者仲想畀「香港監察」嘅創始人羅傑斯補一補漢學嘅課，曹操講：「謹記勿怒，怒則失智，亦戒憎敵，憎則判誤。」呢句話非常適合羅傑斯，佢嘅意思係切記不能憤怒，憤怒會降低智商，喪失理智，亦不能憎恨敵人，憎恨敵人會失去理性，喪失判斷力。之所以將呢句話講畀羅傑斯，正係因為自從佢不滿特區政府拒絕佢入境香港暴怒成立「香港監察」後，就開啟咗一系列詆毀同批判香港人權、《國安法》實施嘅事件——2018年1月，成立兩個月以後，「香港監察」首次發聲，發表有關香港法治嘅報告，話香港已經無法治；2019年4月1號，「香港監察」宣佈委任三位新國際贊助人，分別是韓國前人權大使、加拿大前亞太國務大臣及加拿大影子內閣外交部副部長，擴大咗「香港監察」嘅隊伍；2019年3月4日，英國上議院議員兼「香港監察」贊助人奧爾頓勳爵喺英國上議院主持首個喺英國議會有關英國國民（海外）權利嘅研討會，發表香港自由報告；對待「亂港分子」，「香港監察」發起咗學術界聯署，讉責香港警察嘅暴力行為……

「香港監察」呢啲無端嘅指責成為咗羅傑斯等人宣洩此前憤怒同不滿情緒嘅方式，但作為生活喺香港嘅市民以及世界各地深明大義嘅人一定會覺得羅傑斯等人嘅「香港監察」係幾滑稽，幾荒唐，幾低智，甚至對佢哋呢種強行刷存在感嘅行為感到噁心。

從香港施行《國安法》以嚟，香港社會所發生嘅變化社會各界有目共睹，喺《國安法》實施下，香港由亂轉治；喺《國安法》實施下，香港政治格局逐漸恢復穩定；喺《國安法》實施下，香港經濟發展重新步入正軌；喺《國安法》實施下，生活喺香港嘅市民感受到咗前所未有嘅幸福感。對香港市民嚟講，真正嘅「香港監察」來自于市民，而唔係遠喺英國，同香港亂港分子沆瀣一氣嘅羅傑斯創立嘅「香港監察」，咁樣嘅「香港監察」請遠離香港呢片淨土！